ആവിശ്യമായ സാധനങ്ങള്‍:
കേര മീന്‍ ചെറിയ കഷ്ണങ്ങളാക്കിയത് – 1 കിലോ
കടുക്, ഉലുവ -2 സ്പൂണ്‍
ഇഞ്ചി -ഒരു വല്യ കഷ്ണം
വെളുത്തുള്ളി -25 ചുള
പച്ചമുളക് -10 എണ്ണം
മുളക് പൊടി – 5 സ്പൂണ്‍
കാശ്മീരി മുളക് പൊടി – 2 സ്പൂണ്‍
ഉലുവ പൊടി – കാല്‍ സ്പൂണ്‍
മഞ്ഞള്‍ പൊടി -1 സ്പൂണ്‍
കായപ്പൊടി -ആവശ്യത്തിന്
എണ്ണ
കറിവേപ്പില
ഉപ്പ്
വിനാഗിരി അര കപ്പ്
ഉണ്ടാക്കുന്ന വിധം:
മീന്‍ ചെറിയ കഷ്ണങ്ങളാക്കി എടുക്കുക അതിലേക്ക് അളവിലുള്ള പകുതി മഞ്ഞള്‍ പൊടി, മുളക് പൊടിയും, ഉപ്പും, ചേര്‍ത്ത് പുരട്ടി ഒരു മണിക്കൂര്‍ കഴിഞ്ഞ് എണ്ണയില്‍ വറത്തെടുക്കുക.
നന്നായി മൊരിയണ്ട. വറുത്ത മീന്‍ വേറൊരു പാത്രത്തിലേക്കു മാറ്റി ആ എണ്ണയില്‍ കടുക്, ഉലുവ വറുത്ത് കറിവേപ്പില ഇഞ്ചി ,വെളുത്തുള്ളി എന്നിവ ചതച്ചതും ചെറുതായി അരിഞ്ഞ പച്ചമുളക് കുറച്ച് ഉപ്പും ചേര്‍ത്ത് വഴറ്റുക.
ഒരു പാത്രത്തില്‍ 3 ടേബിള്‍ സ്പൂണ്‍ ചുടുവെള്ളം എടുക്കുക അതില്‍ ബാക്കിയുള്ള മുളക് പൊടി, മഞ്ഞള്‍ പൊടി ഉലുവ പൊടി എന്നിവ കുറച്ച് കട്ടിയായി കലക്കി ഇതിലേക്ക് ചേര്‍ത്ത് ഇളക്കുക.
എണ്ണ തെളിഞ്ഞ് വരുമ്പോള്‍ വറുത്ത് വച്ച മീനും ചേര്‍ത്ത് നന്നായി യേജിപ്പിക്കുക. വിനാഗിരി ചേര്‍ത്ത് നന്നായി ഇളക്കി മസാല മീനില്‍ നല്ലപൊലെ പിടിച്ച ശേഷം തീ ഓഫ് ആക്കുക.
തണുത്ത ശേഷം നനവില്ലാത്ത ചില്ലു കുപ്പിയില്‍ ആക്കുക.
അച്ചാര്‍ 2 ദിവസത്തിനുശേഷം ഉപയോഗിക്കുക, ഉപയോഗിക്കുമ്പോള്‍ ഈര്‍പ്പം ഇല്ലാത്ത സ്പൂണ്‍ ഉപയോഗിക്കാന്‍ പ്രത്യേകം ശ്രദ്ധിക്കുക. ഇങ്ങനെ ചെയ്താല്‍ അച്ചര്‍ കേടുവരില്ല.